Дональд Туск паведаміў пра выдзяленне 13 млрд злотых (больш за 3 млрд еўра) сілавым ведамствам. Сродкі атрымаюць паліцыя, Дзяржаўная пажарная служба, Памежная служба і Служба аховы дзяржавы (адказвае за ахову першых асоб у краіне, афіцыйных замежных дэлегацый, важных дзяржаўных аб’ектаў і польскіх дыппрадстаўніцтваў за мяжой – рэд.).
Размова ідзе аб праекце мадэрнізацыі сілавых структур, які неўзабаве абмяркуе Рада міністраў Польшчы.
«Гібрыдныя аперацыі, якія арганізуе Расія, цяжка назваць інакш, як новымі тыпамі войнаў. Менавіта таму было прынятае рашэнне выдаткаваць 13 млрд злотых на праграму мадэрнізацыі», – сказаў Туск.
Праект мадэрнізацыі сілавых структур прадугледжвае, што з 13 млрд злотых 11 млрд (2 млрд 600 млн еўра) будуць накіраваны на матэрыяльнае забеспячэнне. Праграма таксама прадугледжвае павышэнне заробкаў для супрацоўнікаў, жыллёвыя датацыі для іх і праграму сацыяльнай абароны работнікаў сілавых ведамстваў.
вс