З 1 студзеня мінімальная заработная плата ў Польшчы вырасце на 140 злотых (каля 33 еўра) і складзе 4806 злотых да адлічэння падаткаў (каля 1139 еўра). Мінімальная пагадзінная стаўка таксама павышаецца — да 31,40 злотых брута (каля 7,4 еўра). «На рукі» работнік будзе атрымліваць прыкладна 3605 злотых (каля 854 еўра).
Мінімальнае ўзнагароджанне за працу — гэта гарантаваная сума, якая належыць работніку незалежна ад яго кваліфікацыі, пасады, сістэмы аплаты, рэжыму працоўнага часу або ўмоў працы ў канкрэтнага працадаўцы.
Павышэнне закране каля трох мільёнаў чалавек, а разам з мінімальнай зарплатай вырастуць і шэраг звязаных з ёй сацыяльных выплат.
За апошнія 25 гадоў найбольшы рост мінімальнай аплаты працы адбыўся ў 2024 годзе, калі яна павялічылася сумарна на 700 злотых (каля 166 еўра).
эж