— І наша Міністэрства замежных спраў, і спецслужбы пастаянна працуюць над выратаваннем Анджэя Пачобута з беларускага палону, — заявіў у чацвер міністр унутраных спраў і адміністрацыі Марцін Кервінскі.
Ён дадаў, што «гэта няпростая справа, але вада камень сцірае», і ён перакананы, што рана ці позна гэта будзе дасягнута.
Пасля сустрэчы Джона Коўла, пасланца прэзідэнта ЗША Дональда Трампа з Аляксандрам Лукашэнкам у чацвер у Беларусі было вызвалена 250 зняволеных. Сярод вызваленых няма Анджэя Пачобута, журналіста і актывіста Саюза палякаў Беларусі, які быў зняволены на восем гадоў.
У эфіры TVP Info міністра ўнутраных спраў і адміністрацыі спыталі пра шанцы вызвалення Пачобута з турмы і што робіць Польшча, каб гэта стала магчымым.
— Гэты абмен (250 палоннымі) ажыццяўляецца нашымі амерыканскімі партнёрамі, і мы пастаянна кантактуем з імі па гэтым пытанні. І гэта ўсё, што мы можам сказаць пра гэты абмен, — сказаў Кервінскі.
Журналіст і актывіст польскай меншасці ў Беларусі Анджэй Пачобут быў затрыманы 25 сакавіка 2021 года. Беларускія ўлады прыпісваюць яму дзеянні з мэтай «рэабілітацыі нацызму».
PAP/яс