У Сусветны дзень інфармавання аб раку яечнікаў лекары клінічнай бальніцы ў Беластоку арганізуюць велапрабег і пікнік. Медыкі заахвочваюць да прафілактычных абследаванняў.
Рак яечнікаў вельмі часта дыягнастуецца толькі на запушчанай стадыі.
— Гэта часткова звязана з адсутнасцю адназначных сімптомаў, – кажа прафесар Павел Кнап, каардынатар Універсітэцкага анкалагічнага цэнтра ў Беластоку і арганізатар мерапрыемства. — Гэта вельмі не спецыфічныя сімптомы — павелічэнне акружнасці жывата. Змены пачынаюцца ў страўнікава-кішачным тракце. Да сімптомаў таксама адносіцца адрыжка. Насамрэч, хвароба выклікае сімптомы ў страўнікава-кішачным тракце, бо пачынае павялічвацца ўнутрыбрушны ціск, і з'яўляецца асцыт. Гэта павінна выклікаць пільнасць і жанчына павінна звярнуцца за кансультацыяй да гінеколага.
Прафесар Павел Кнап падкрэслівае, што рак яечнікаў застаецца адной з найбуйнейшых праблем у сучаснай гінекалагічнай анкалогіі.
Кампанія «Павышэнне інфармаванасці аб раку яечнікаў» пачнецца а 16:30 перад Універсітэцкай клінічнай бальніцай у Беластоку.
Удзельнікі будуць мець магчымасць пракансультавацца са спецыялістамі і прайсці прафілактычныя абследаванні.
IAR/яс