Польшча і Швейцарыя дамовіліся развіваць супрацоўніцтва ў сферы эканомікі, інвестыцый і новых тэхналогій. Пра гэта заявілі ў Берне прэзідэнт Польшчы Караль Наўроцкі і прэзідэнт Швейцарскай Канфедэрацыі Гі Пармелен.
Польскі лідар падкрэсліў, што Швейцарыя застаецца адным з найбуйнейшых інвестараў у польскую эканоміку з па-за межаў Еўрасаюза, а ўзаемны тавараабарот паміж краінамі працягвае расці. Бакі таксама абмеркавалі супрацоўніцтва ў сферы навукі, бізнесу і кібербяспекі.
Прэзідэнт Швейцарыі нагадаў пра нядаўна падпісаны польска-швейцарскі мемарандум аб супрацоўніцтве ў кіберпрасторы і пра фінансавыя праграмы падтрымкі польскіх рэгіёнаў.
— Больш за дзясятак польскіх гарадоў сярэдняга памеру цяпер атрымліваюць падтрымку ў такіх сферах, як эканамічнае развіццё, ахова навакольнага асяроддзя і клімату, а таксама ахова здароўя і сацыяльныя паслугі. Гэтае супрацоўніцтва грунтуецца на партнёрстве. Калі інфраструктура ў польскім горадзе паляпшаецца, ад гэтага выйграе ўся эканоміка рэгіёна, у тым ліку швейцарскія кампаніі, якія там працуюць.
З 2004 года Польшча атрымала ад Швейцарыі амаль 500 мільёнаў франкаў бязвыплатнай дапамогі.
iar/эж