Міністэрства юстыцыі прапануе ўвесці патрабаванне фіксаваць людзей, якія карыстаюцца банкаматамі і аўтаматамі для ўнясення наяўных. Запісы будуць захоўвацца на працягу 90 дзён, і кожны, хто закрые твар, можа быць аштрафаваны. Аднак у прапанове не ўдакладняецца памер штрафу і не прадугледжваюцца якія-небудзь выключэнні, піша PolsatNews.
Вэб-сайт cashless.pl першым паведаміў пра гэтую прапанову. Міністэрства прапануе, каб гэты абавязак распаўсюджваўся на банкі і ўладальнікаў банкаматаў. Як адзначае міністэрства, прылады некаторых аператараў наогул не маюць гэтай функцыі, і менавіта іх часта выбіраюць злачынцы.
Запісы будуць захоўвацца на працягу 90 дзён з даты аказання паслугі. Адзінаццаць устаноў, пералічаных у прапанове, змогуць атрымаць доступ да матэрыялаў. Гэта, між іншымі, паліцыя, пракуратура, суды, Агенцтва ўнутранай бяспекі, Памежная служба і інш.
Міністэрства тлумачыць прапанову барацьбой з фінансавым махлярствам. Там звяртаюць увагу, што злачынцы здымаюць скрадзеныя грошы з банкаматаў, а затым уносяць іх у аўтаматы для наяўных або біткойн-банкаматы, каб замесці сляды.
Праблемай з'яўляецца час. Часта следчым патрабуецца 2–3 месяцы, каб атрымаць дазвол суда на доступ да дадзеных, якія ахоўваюцца банкаўскай таямніцай, і запіс можа ўжо быць скасаваны.
«Магчымасць забяспечыць маніторынг на працягу як мінімум 90 дзён павысіць эфектыўнасць пераследу вінаватых у кіберзлачынствах», — сцвярджае міністэрства.
PolsatNews/ав