Зборная Польшчы па валейболе вярнулася ў Варшаву пасля перамогі на чэмпіянаце Еўропы. У аэрапорце імя Шапэна спартсменаў сустракалі натоўпы заўзятараў з бела-чырвонымі сцягамі, апладысментамі і воклічамі.
Днём раней палякі ў фінале ў Мілане перамаглі Францыю з лікам 3:1 і другі раз запар сталі чэмпіёнамі Еўропы. Гэты поспех таксама прынёс камандзе пуцёўку на Алімпійскія гульні 2028 года ў Лос-Анджэлесе.
Адным з першых да заўзятараў выйшаў Вільфрэда Леон, прызнаны самым каштоўным гульцом турніру. Ён раздаваў аўтографы і фатаграфаваўся з заўзятарамі.
«Гэта неверагоднае адчуванне. Акрамя тытула, мы ўжо забяспечылі сабе алімпійскую кваліфікацыю», — сказаў Леон.
Наступным вялікім выпрабаваннем для польскай зборнай па валейболе стане чэмпіянат свету, які пройдзе ў Польшчы ў наступным годзе.
pap/ez