Цэнтр па барацьбе з дэзінфармацыяй быў створаны як орган падтрымкі ўрада з кансультатыўнай роляй. Кіраўніком новай установы быў прызначаны намеснік міністра лічбавых спраў Павел Альшэўскі.
— Мы не толькі гаворым пра дэзінфармацыю, але і змагаемся з ёй, — сказаў падчас Форуму па кібербяспецы кіраўнік згаданага міністэрства Кшыштаф Гаўкоўскі.
— Гэта зусім свежая навіна, учора ўвечары прэм'ер-міністр Польшчы Дональд Туск падпісаў рашэнне аб стварэнні новага цэнтру барацьбы з дэзінфармацыяй у Польшчы. Мы першыя ў Еўропе будзем мець адзіны інтэграваны асяродак супрацьдзеяння дэзінфармацыі. Мы не толькі гаворым пра змаганне, але змагаемся на выканаўчым і аператыўным узроўнях.
Цэнтр па барацьбе з дэзінфармацыяй павінен падрыхтаваць аснову для стратэгічнага дакумента, які дэманструе маштаб зʼявы і дзеянні, прынятыя Польшчай.
ПР/юл