Польскі чыгуначны перавозчык PKP Intercity падрыхтаваў 210 дадатковых вагонаў для 126 цягнікоў, якія будуць курсаваць з 28 кастрычніка па 2 лістапада. Кампанія рыхтуецца да павелічэння пасажырапатоку напярэдадні Дня Усіх Святых, які адзначаецца 1 лістапада, а таксама ў Дзень памінання памерлых — 2 лістапада.
Дадатковыя вагоны дазволяць павялічыць колькасць месцаў для пасажыраў, якія плануюць паездкі ў святочныя дні. Кампанія паведамляе, што будзе пастаянна сачыць за продажам білетаў на асобныя рэйсы і пры неабходнасці далучаць дадатковыя вагоны. Паводле прадстаўніцы PKP Intercity Юстыны Маскалевіч-Адэрэк ( Justyna Moskalewicz — Aderek), у некаторых цягніках колькасць месцаў павялічыцца ўдвая.
— Па меры тэхнічных магчымасцяў мы будзем далучаць дадатковыя вагоны. Колькасць вагонаў у цягніках будзе павялічвацца ў залежнасці ад пасажырскага попыту. Найбольшага наплыву пасажыраў мы чакаем у пятніцу, 30 кастрычніка.
Чакаецца, што павышаны пасажырапаток захаваецца да 2 лістапада.
IAR/яс