11 лістапада каля Цытадэлі і на вуліцы Кракаўскае Прадмесце адбудзецца фестываль «Супольная незалежнасць» (пачатак а 10:00). У рамках фестывалю будуць арганізаваныя канцэрты, танцавальныя выступы, майстар-класы, прагулкі і наведванне выставаў.
Дырэктар Музею гісторыі Польшчы Марцін Напюркоўскі запэўнівае, што ўстанова падрыхтавала шмат прапановаў да Дня незалежнасці.
— Галоўнай прапановай з’яўляецца выстава «Па што стаіць чарга», прысвечаная музыцы, менавіта як прастора барацьбы за свабоду на працягу ўсяго часу ПНР. У нас цэлы шэраг актыўнасцяў, звязаных з рознымі формамі святкавання гэтага дня і, як у Музеі гісторыі Польшчы, задумы над супольнай гісторыяй, якая нас аб’ядноўвае. У 12 гадзін мы разам заспяваем дзяржаўны гімн.
У святкаванні ўдзел будзе прымаць і Музей Войска Польскага, які месціцца побач, гаворыць намесніца дырэктара Магдалена Рахноўска.
— З 10.00 можна будзе бясплатна наведаць выставу «Тысяча гадоў славы Войска Польскага», часовую выставу «500 гадоў цяшынскай збройнай справы». З 12 да 18 запрашаем на мілітарны пікнік, цэнтральнай падзеяй якога стане парад мілітарнага гістарычнага транспарту. Сярод іншага, будзе ваенная зона, дзе можна паглядзець ваенны транспарт.
Будзе магчымасць сустрэцца з салдатамі з розных падраздзяленняў, у тым ліку элітарнай адзінкі GROM.
А 17:15 побач з Цытадэляй пачнецца канцэрт пад назвай «Супольная незалежнасць», падчас якога 16 артыстаў, якія прадстаўляюць 16 ваяводстваў, выканаюць народныя песні ў сучасных апрацоўках. Сярод выканаўцаў — Анджэй Пясэцкі, Юстына Стэчкоўска і Томаш Арганек.
Уваход на мерапрыемствы бясплатны.
ав