Міністэрства замежных спраў Украіны пратэстуе супраць рашэння расійскага суда па справе Паўла Грыба. Вярхоўны суд Расіі падтрымаў прысуд суда ніжэйшай інстанцыі, які прысудзіў украінца да 6 гадоў пазбаўлення волі па абвінавачванні ў тэрарызме.
Украінскі бок кажа, што расейцы фальсіфікавалі доказы, а Павел Грыб – гэта адзін з украінскіх палітвязняў, якія ўтрымліваюцца ў Расіі.
Паводле ўкраінскага МЗС, рашэнне расійскага суда, як і іншыя пастановы, вынесеныя Расіяй у дачыненні да ўкраінскіх палітвязняў, сведчыць пра тое, што ў Расіі няма законнасці.
У 2017 годзе 19-гадовы Павел Грыб быў выкрадзены расейскімі службамі на тэрыторыі Беларусі, дастаўлены ў Расію й абвінавачаны ў тым, што праз інтэрнэт угаворваў знаёмую расіянку да правядзення тэракта.
Паводле ўкраінскіх ацэнак, у акупаваным Расіяй Крыме ўтрымліваецца 98 украінскіх палітвязняў.
аз