Эксперты Фонду «Дапамога палякам на Усходзе» 16 верасня распачалі цыкл сустрэчаў у краінах Цэнтральнай Азіі, мэта якіх – гэта рэпатрыяцыя тамтэйшых палякаў. У сустрэчах прымуць удзел палякі, зацікаўленыя вяртаннем на радзіму продкаў.
Першая сустрэча пройдзе ў былой сталіцы Казахстану – Алматы. Старшыня Фонду «Дапамога палякам на Усходзе» Мікалай Фалькоўскі падкрэслівае, што эксперт гатовыя адказаць на ўсе пытанні.
-Мы будзем інфармаваць аб тым, што такое рэпатрыяцыя, як яна дзейнічае, якія магчымасці адкрываюцца ў Польшчы. Адначасова мы гаворым аб тым, якія наступствы рэпатрыяцыі, наступствы вяртання ў Польшчу на пастаяннае жыхарства.
На працягу бліжэйшага тыдня польскія эксперты наведаюць казахскі горад Тараз, сталіцу Кыргызстану Бішкек ды сталіцу Узбекістану Ташкент.
IAR/эж