Хосні Мубарак быў віцэ-прэзідэнтам Егіпта ў 1975-1981 гг. З кастрычніка 1981 па студзень 1982 года быў прэмʼер-міністрам. Раней, з канца 1940-х, служыў у ВПС Егіпта, дайшоўшы да пасады вярхоўнага камандуючага ў 1972-м годзе.
У 2011 годзе пачаліся масавыя пратэсты супраць урада Мубарака. Егіпцяне незадаволеныя палітычнай і эканамічнай сітуацыяў краіне выйшлі на вуліцы. У выніку сутыкненняў з паліцыяй загінула больш за 300 чалавек.
У 2012 годзе Хосні Мубарак быў асуджаны на пажыццёвае зняволенне за саўдзел у забойстве некалькіх сотняў дэманстрантаў. У 2014 годзе Хосні Мубарак быў асуджаны на тры гады пазбаўлення волі за крадзеж дзяржаўных сродкаў.
Былы прэзідэнт абскардзіў гэтыя рашэнні. У 2017 годзе вышэйшая апеляцыйная інстанцыя вызваліла Мубарака ад абвінавачання ў адказнасці за гібель дэманстрантаў. Суд таксама адхіліў хадайніцтвы семʼяў ахвяр аб аднаўленні грамадзянскага судовага працэсу па гэтай справе, што азначала, што магчымасці апеляцыі былі вычарпаны.
У сакавіку 2017 года, праз шэсць гадоў, Хосні Мубарак выйшаў на волю. Ён памёр ва ўзросце 91 год.
ПР/юл