Гэтыя грошы пойдуць на распрацоўку вакцыны, набыццё матэрыялаў і медычнага абсталявання.
«Прыярытэтам прэзідэнта Трампа з'яўляецца абарона краіны. Мы дзейнічаем вельмі агрэсіўна, каб мінімізаваць рызыку распаўсюджвання віруса ў ЗША», – напісаў дырэктар бюджэтнага бюро Белага дому Расэл Воўд у заяве ў Кангрэс.
Воўд паведаміў, што значная частка сродкаў на барацьбу з эпідэміяй будзе накіравана на вынаходніцтва, выпрабаванні і вытворчасць вакцыны супраць віруса. Аднак дэмакраты ў Кангрэсе палічылі заяву недастатковай.
На іх думку, 2,5 мільярда долараў недастаткова для абароны амерыканцаў ад смяротнай пагрозы. На думку дэмакратаў, Белы дом не плануе ўзгодненага рэагавання на патэнцыйную эпідэмію ЗША.
У ЗША колькасць захворванняў на каронавірус вырасла да 54. Большасць – пасажыры круізнага карабля «Diamond Princess», якія былі эвакуяваныя з Японіі ў ЗША. Яны прайшлі каранцін у Каліфорніі і Тэхасе.
Прэзідэнт ЗША Дональд Трамп напісаў у Twitter, што каронавірус у Амерыцы знаходзіцца пад «моцным кантролем».
ПР/юл