У Даніі частка дробных прадпрымальнікаў адкрыла свае ўстановы. Скандынаўская краіна працягвае праграму «размарожвання» сваёй эканомікі пасля жорсткага каранціну, які трываў там 5 тыдняў. Сёння былі адкрыты цырульні, салоны прыгажосці, студыі татуажу і аўташколы.
Паслабленне абмежаванняў пачалося ў мінулую сераду, калі была адноўлена праца адукацыйных і выхаваўчых устаноў для дзяцей ва ўзросце да 11 гадоў.
Тым не менш, улады ў Капенгагене працягваюць заахвочваць грамадзянаў захоўваць сацыяльную дыстанцыю. Сходы больш за 10 чалавек застаюцца пад забаронай. Школы і гімназіі, гандлёвыя цэнтры, рэстараны, кавярні і спартыўныя залы застаюцца зачыненымі як мінімум да 10 траўня.
Станам на 20 красавіка ў Даніі зарэгістравана каля 8 тысяч носьбітаў каранавіруса новага тыпу. У выніку COVID-19 364 чалавекі памерлі.
IAR/эж