Ураган, які абрынуўся ўчора на Вільню, пашкодзіў некалькі гістарычных надмагілляў на Бернардзінскіх могілках. Могілкі былі заснаваны ў 1810 годзе й з'яўляюцца аднымі з найстарэйшых у горадзе. Тут пакояцца, між іншым, парэшткі прафесараў Віленскага універсітэта, заслужаных для Вільні палякаў і ўдзельнікаў паўстання 1863 году.
Пра пашкоджанні на могілках расказвае старшыня грамадскага Камітэта па доглядзе за „Старой Росай” Дарыюш Жыбарт (Dariusz Żybort).
Я бачыў шмат дрэў, якія пашкодзілі надмагільныя помнікі, але не спадзяваўся такіх пашкоджанняў. Я параўнаў бы гэта з ДТЗ на дарозе хуткага руху.
Сярод іншага быў знішчаны гістарычны надмагільны помнік на магіле Станіслава Расалоўскага - лекара кампазітара Станіслава Манюшкі. Помнік быў усталяваны ў 1906 годзе.
Паводле агульных ацэнак, кошт пашкоджанняў можа скласці нават 100 тысяч еўра,
- кажа Дарыюш Жыбарт.
Пра пашкоджанні на Бернардзінскіх могілках паведамілі ўладам Вільні. Сёння адбудзецца ўборка могілкаў, а ў чацвер муніцыпальная камісія пачне ацэнку страт.
аз