На 1127 чалавек павялічыўся за адны суткі баланс смяротных ахвяр эпідэміі COVID-19 у Злучаных Штатах Амерыкі. Агульная колькасць памерлых у выніку хваробы ў гэтай краіне складае ўжо 97048. Паводле прагноз, у панядзелак або аўторак колькасць памерлых пераваліць за 100 тыс.
ЗША займаюць першае месца на свеце, калі гаворка ідзе пра лічбу смяротных ахвяр. Там захварэла ўжо больш за 1,6 млн. чалавек, з чаго звыш 97 тыс. памерла.
У сувязі з адзначэннем Дня памяці ў гэтыя выходныя, губернатар Нью-Ёрку дазволіў мерапрыемствы да 10 чалавек. Яны павінны адбывацца пры захаванні правілаў санітарнай бяспекі. У Дзень памяці амерыканцы ўшаноўваюць амерыканскіх салдат, загінулых на службе.
Прэзідэнт Дональд Трамп імкнецца знайсці спосаб выйсці з крызісу, які выклікала каранавірусная інфекцыя новай пнеўманіі, перад ім таксама выбарчая кампанія і барацьба за пераабранне на пасаду галавы дзяржавы. Трамп націскае на ўлады штатаў і муніцыпальныя органы, каб яны паступова адмянялі абмежаванні, звязаныя з пандэміяй.
нг