Польшча разам з краінамі Вышаградскай групы, а таксама Румыніяй і Балгарыяй патрабуе ад Еўракамісіі дакладных разлікаў адносна запланаванага павелічэння скарачэння выкідаў CO2 у 2030 годзе. Гаворка ідзе пра поўную ацэнку эканамічных і сацыяльных наступстваў.
Міністры аховы навакольнага асяроддзя і клімату шасці краін звярнуліся па гэтай справе да віцэ-старшыні Еўракамісіі Франса Цімерманса.
Цяперашняй мэтай ЕС з'яўляецца зніжэнне выкідаў CO2 на 40 працэнтаў да 2030 года, але Камісія плануе павялічыць зніжэнне да 50-55 працэнтаў і восенню прадставіць ацэнку наступстваў гэтых дзеянняў.
Міністры шасці краін напісалі ў лісце, што рашэнне аб далейшым скарачэнні павінна быць прынята еўрапейскімі лідарамі на саміце ЕС і павінна быць аднагалосным.
Міністры Польшчы, Чэхіі, Славакіі і Венгрыі, а таксама Румыніі і Балгарыі таксама чакаюць, што дакумент будзе паглыблены, і дакладна назаве, якія дзеянні Саюз павінен прыняць да 2030 года, каб праз два дзесяцігоддзі дасягнуць нейтральнасці клімату.
Міністры пытаюць пра фінансаванне, падтрымку і інавацыі, неабходныя для павелічэння скарачэння CO2. Таксама чакаюць адказу на пытанне, якія сацыяльныя групы пацерпяць больш за ўсё і якім чынам можна пазбегчы энергетычнай беднасці.
У лісце падкрэсліваецца, што падрыхтаваны Камісіяй дакумент павінен быць рэалістычным і ўлічваць крызіс, выкліканы пандэміяй кaрaнавірусу, з наступствамі якога будзем змагацца яшчэ доўгі час.
яс