Кіраўнік дыпламатыі Еўразвязу Жазэп Барэль заклікаў расейскія ўлады правесці незалежнае і празрыстае расследаванне па справе аб меркаваным атручванні расійскага апазіцыянера Аляксея Навальнага. Палітык знаходзіцца ў берлінскай универсітэцкай клініцы Charite пад наглядам нямецкіх лекараў, якія ўсталявалі, што Навальнага спрабавалі атруціць нервова-паралітычным рэчывам.
«Еўрапейскі Звяз рашуча асуджае тое, што заразх выглядае, як замахам на жыццё Навальнага. Абсалютна неабходна, каб расійскія ўлады неадкладна ініцыявалі незалежнае і празрыстае расследаванне яго атручвання», – гаворыцца ў заяве кіраўніка дыпламатыі ЕЗ.
Напярэдадні канцлер Ангела Меркель і міністр замежных спраў Нямеччыны Хайка Маас заклікалі ўлады Расіі да празрыстага і грунтоўнага расследавання раптоўнага пагаршэння стану здароўя Аляксея Навальнага. У цяперашні час Аляксей Навальны, якому стала дрэнна 20 жніўня на борце самалёта, знаходзіцца ў коме. Стан расійскага палітыка ацэньваецца як цяжкі.
IAR/эж