На сённяшнім спецыяльным пасяджэнні дэпутаты Еўрапарламента абмеркавалі сітуацыю ў Беларусі, дзе з 9 жніўня праходзяць масавыя акцыі пратэсту з патрабаваннем адстаўкі Аляксандра Лукашэнкі.
Дэпутаты ў Камітэце па замежных справах Еўрапейскага парламента падтрымалі, прапанаваныя санкцыі супраць вінаватых у гвалце і фальсіфікацыі вынікаў выбараў у Беларусі.
Польскі дэпутат Яцэк Сар’юш-Вольскі, выступаючы ад імя групы еўрапейскіх кансерватараў, заявіў, што Расія ўжо ўмешваецца ў Беларусь гібрыдным чынам, кантралюючы, напрыклад, беларускае тэлебачанне. На яго думку, санкцыі павінны быць уведзеныя і супраць Расіі:
-Цяпер замест слоў нам патрэбныя канкрэтныя дзеянні. Я лічу, што Расіі трэба ўвесці санкцыі за ўмяшанне ва ўнутраныя справы Беларусі, а самымі жорсткімі санкцыямі варта лічыць – адключэнне Расіі ад міжнароднай сістэмы фінансавых разлікаў. У гэтым пытанні неабходна супрацоўніцтва паміж ЕЗ і ЗША.
Дэпутаты Еўрапарламента падкрэслілі, што санкцыі трэба ўвесці як мага хутчэй.
IAR/эж