Польская гуманітарная акцыя адкрывае навучальны цэнтр у прыгарадзе Бейрута. Такім чынам Арганізацыя плануе дапамагчы жыхарам сталіцы Лівана. Сітуацыю ў краіне, якая апынулася ў сур’ёзным фінансавым крызісе, дадаткова пагаршае пандэмія каранавіруса і знішчэнні, да якіх у жніўні прычыніўся гіганцкі выбух у порце Бейрута.
Цэнтр Польскай гуманітарнай акцыi будзе пабудаваны ў паўднёвым прыгарадзе Бейрута. Арганізацыя плануе праводзіць у ім розныя прафесійныя курсы.
Па словах прэс-сакратара Польскай гуманітарнай акцыі Рафала Гжэлеўскага(Rafał Grzelewskі), гэта дапаможа павысіць веды, як ліванцаў, так і сірыйскіх і палестынскіх бежанцаў з суседняга лагера:
- Гэтыя курсы дадуць удзельнікам шанец знайсці добрую і стабільную працу. Частка з іх атрымае таксама сродкі на заснаванне ўласнай эканамічнай дзейнасці. Дзякуючы гэтаму яны стануць больш самастойнымі ў будучыні.
У Ліване беспрацоўе паслядоўна расце. Ужо больш за палову насельніцтва жыве на мяжы беднасці. Польскага арганізацыя ацэньвае, што заняткамі ў цэнтры ў Бейруце аднаразова будзе карыстацца каля 600 чалавек.
Грошы на стварэнне цэнтра выдзеліць са сваіх фондаў Міністэрства замежных спраў Польшчы.
аз