Журналіст агенцтва Agence France-Presse, AFP у Сцепанакерце – сталіцы Нагорнага Карабаху паведаміў, што пасля таго, як апоўдні дамоўленасць аб спыненні агню ўступіла ў сілу, здалёк чуліся выбухі, але ў апошнія дні абстрэлаў у горадзе не было. Зацішша доўжылася да вечара.
Арменія і Азербайджан пагадзіліся на спыненне агню пасля 11-гадзінных перамоваў, якія пачаліся ў Маскве ў пятніцу, 9 кастрычніка але ўсяго праз некалькі хвілін пасля пачатку меркаванага перамір'я абедзве краіны заявілі пра новыя абстрэлы.
Прэс-сакратар міністэрства абароны Арменіі Шушан Сцепанян заявіла, што «насуперак абвешчанаму раней гуманітарнаму спыненню агню» азербайджанскія сілы пачалі наступ на лінію фронту ў 12:05.
Міністэрства абароны Азербайджана заявіла, што армянскія сілы таксама нанеслі ўдары па лініі фронту і абстралялі населеныя раёны, абвінаваціўшы Ерэван у «абуральным парушэнні рэжыму спынення агню».
Увечары паведамлялася, што армянскія ўзброеныя сілы спрабавалі пачаць наступ у некалькіх раёнах, але былі «вымушаныя адступіць».
voanews.com/эж