У горадзе Цуруга ў цэнтральнай Японіі пасля рамонту быў адкрыты Музей „Гуманітарнай гавані”. Выстава расказвае пра гуманітарную дапамогу, якую Японія аказвала польскім сіротам пасля Кастрычніцкай рэвалюцыі і польскім габрэям падчас Другой сусветнай вайны.
Рамонт музея быў завершаны ў гэтым годзе, каб адзначыць яго двайную гадавіну.
Сто гадоў таму японскі „Чырвоны крыж” даў прытулак 760 сіротам – дзецям польскіх ссыльных у Сібір. Пасля двух гадоў праведзеных у Японіі, дзеці вярнуліся ў Польшчу.
У сваю чаргу 80 гадоў таму ў Цуругу прыплылі судны з палякамі, галоўным чынам габрэямі, якія атрымалі гэтак званыя „візы жыцця” ад японскага консула ў Коўне. Дакументы дазвалялі на часовае знаходжанне ў Японіі. Тагачасны амбасадар Польшчы Тадэвуш Ромэр дапамагаў бежанцам, атрымаць візу краіны ў якую яны маглі з’ехаць.
Пасол Польшчы ў Японіі Павел Мілеўскі, які прысутнічаў на адкрыцці музея, уручыў мэру Цуругі дыплом аднаго з „сібірскіх дзяцей” Аляксандры Ліла, якая пасля вяртання ў Польшчу дапамагала габрэям падчас вайны.
Ейную дзейнасць ушанаваў ізраільскі Інстытут Яд ва-Шэм. Дыплом будзе экспанавацца ў музеі.
У цырымоніі адкрыцця ўстановы прынялі ўдзел прадстаўнікі мясцовай дзяржаўнай адміністрацыі, а таксама паслы Польшчы, Літвы, Ізраіля, Нідэрландаў і консул ЗША.
Музей „Гуманітарнай гавані” працуе з 2008 года.
аз