Са снежня Венгрыя пачне імпартаваць з Расіі вакцыны супраць каранавірусу, паведаміў у сацсетках кіраўнік венгерскай дыпламатыі Пэтэр Сіярта.
Раней Сіярта размаўляў пра гэта па тэлефоне з міністрам аховы здароўя Расіі Міхаілам Мурашкам. Як заявіў кіраўнік венгерскага Міністэрства замежных спраў, Расія робіць вялікія поспехі ў даследаваннях вакцын:
- Мы дамовіліся, што Расія пачне імпартаваць вакцыны ў Венгрыю ў снежні ў невялікіх колькасцях, каб мы маглі правесці клінічныя выпрабаванні, праверыць іх і атрымаць адпаведныя дазволы. Затым, з другога ці трэцяга тыдня студзеня, будзе пастаўленая большая партыя.
Венгерскі вытворца вакцын супраць грыпу праводзіць кансультацыі з расійскімі фірмамі наконт магчымасці пераходу на вытворчасць вакцын супраць каранавіруса. Раней кіраўнік венгерскай дыпламатыі заявіў, што яго краіна вядзе перамовы наконт набыцця вакцын з Кітаем, Расіяй і Ізраілем.
У цяперашні час міністр Сіярта знаходзіцца ў каранціне з-за заражэння каранавірусам.
ПР/юл