Прэм'ер-міністр Арменіі Нікол Пашынян заявіў аб падпісанні заявы з прэзідэнтамі Расеі і Азербайджана Уладзімірам Пуціным і Ільхамам Аліевым аб спыненні ваенных дзеянняў у Нагорным Карабаху з поўначы 10 лістапада. Адпаведнае паведамленне кіраўнік армянскага ўрада размясціў у панядзелак, 9 лістапада, на сваёй старонцы ў Facebook.
Тэкст заявы «вельмі балючыасабіста для мяне і для нашага народа», прызнаў Пашынян. «Я прыняў гэта рашэнне ў выніку глыбокага аналізу ваеннага становішча і ацэнкі людзей, найлепшым чынам якія валодаюць сітуацыяй», – дадаў ён.
Са слоў Пашыняна, «гэты крок заснаваны на перакананні, што гэта найлепшае магчымае развязанне ў сітуацыі, якая склалася». «Гэта – не перамога, але і паразы не будзе, пакуль вы не прызнаеце сябе прайграўшым. Мы ніколі не прызнаем сябе такім, і гэта павінна стаць пачаткам нашай эры нацыянальнага яднання і адраджэння», – заявіў Пашынян.
Прэзідэнт РФ Уладзімір Пуцін пацвердзіў, што ў зоне нагорна-карабахскага канфлікту з 10 лістапада абвешчана поўнае спыненне агню і ўсіх ваенных дзеянняў. «Азербайджанская Рэспубліка і Рэспубліка Арменія спыняюцца на займаных імі пазіцыях», – заявіў ён.
Між тым прэзідэнт Азербайджана Ільхам Аліеў выступіў з тэлезваротам да жыхароў краіны. Кіраўнік дзяржавы заявіў, што ў шматгадовым канфлікце «ставіцца кропка». Аліеў таксама адзначыў асаблівую ролю Расіі ў вырашанні крызісу і падзякаваў прэзідэнта РФ Уладзіміра Пуціна за асабісты ўдзел ва ўрэгуляванні канфлікту.
У заяве, апублікаваным расійскімі СМІ, – дзевяць пунктаў. Дамоўленасці прадугледжваюць спыненне агню і ваенных дзеянняў на тэрыторыі Карабаха, абмен ваеннапалоннымі і целамі загінулых, а таксама размяшчэнне расійскіх міратворцаў «уздоўж лініі судакранання ў Нагорным Карабаху і ўздоўж Лачынскага калідора». Гаворка ідзе аб 1960 вайскоўцаў са стралковай зброяй. У Мінабароны РФ паведамілі, што расійскія міратворцы ўжо высунуліся ў Карабах з аэрадрому ва Ульянаўску.
Акрамя таго, у Нагорным Карабаху будуць разблакаваныя транспартныя і эканамічныя вузлы. Нарэшце, Ерэван да 15 лістапада павінен вярнуць Азербайджану Кельбаджарскі раён, а да 1 снежня – Лачынскі раён, пакідаючы пры гэтым за сабой Лачынскі калідор (шырынёй 5 км), які будзе забяспечваць сувязь Нагорнага Карабаха з Арменіяй і не будзе закранаць горад Шушы.
Між тым, як перадало агенцтва «Інтэрфакс», незадаволеныя рашэннем прэмʼер-міністра Арменіі Нікола Пашыняна ўварваліся ў будынак урада ў цэнтры Ерэвана. «Мы не згодныя з рашэннем... Нікол, ты вораг народа, здраднік», – заявіў адзін з удзельнікаў акцыі пратэсту. Пратэстоўцы выламалі дзверы ў кабінеты, разбурылі мэблю і тэхніку, разбілі дзверы і вокны, у тым ліку ў кабінеце Пашыняна. Армянскай апазіцыя будзе дамагацца анулявання гэтага пагаднення.
dw/pap/эж