X
Паважаны карыстальнік!
25 траўня 2018 году ўвайшло ў сілу Распараджэнне Еўрапейскага парламента і Еўрапейскага савета (ЕС) 2016/6/79 за 27 красавіка 2016 (RODO). Прапануем азнаёміцца з інфармацыяй пра апрацоўку асабістых дадзеных на сайце Polskieradio.pl
1.Адміністратарам асабістых дадзеных з'яўляецца Polskie Radio S.A з сядзібай у Варшаве, Al. Niepodległości 77/85, 00-977 Warszawa
2.Па пытанню, звязаным з вашымі дадзенымі, звяртайцеся да Інспэктара аховы асабістых дадзеных па электроннай пошце iod@polskieradio.pl альбо па тэл. (0048) 22 645 34 03.
3.Асабістыя дадзеныя апрацоўваюцца ў маркетынгавых мэтах на падставе дазволу карыстальніка.
4.Асабістыя дадзеныя могуць быць даступныя толькі для выканання паслуг, указаных у палітыцы прыватнасці.
5.Асабістыя дадзеныя не будуць перададзены за межы Еўрапейскай эканамічнай прасторы або міжнародным арганізацыям.
6.Асабістыя дадзеныя будуць захоўвацца на працягу 5 гадоў пасля адключэння профіля ў адпаведнасці з законам.
7.Вы маеце права атрымаць доступ да вашых асабістых дадзеных, выпраўляць іх, выдаляць або абмяжоўваць апрацоўку.
8.Вы маеце права забараніць далейшую апрацоўку; у выпадку, калі вы раней далі згоду на апрацоўку вашых асабістых дадзеных, вы можаце яе адклікаць. Ажыццяўленне права на адмену згоды не ўплывае на апрацоўку, якая адбылася да адклікання згоды.
9.Вы маеце права падаць скаргу ў назіральны орган.
10.Polskie Radio S.A. паведамляе, што падчас апрацоўкі асабістых дадзеных аўтаматычныя рашэнні не прымаюцца, а прафіляванне не ўжываецца.
Больш падрабязная інфармацыя знаходзіцца на старонках dane osobowe, а таксама polityka prywatności.
ЗГОДЗЕН
Беларуская Служба

Прынамсі 8 чалавек былі забітыя і 31 паранены ў выніку ракетных абстрэлаў у Кабуле

21.11.2020 12:09
Пакуль ні адна з арганізацый не ўзяла на сябе адказнасць за напад.
Параненыя ў выніку замахуфота: PAP/EPA/JAWAD JALALI

Прынамсі 8 чалавек былі забітыя і 31 паранены ў выніку ракетных абстрэлаў у сталіцы Афганістану – Кабуле. Ракеты тэрарыстаў упалі на так званы ўрадавы раён, у якім, акрамя офісаў, знаходзяцца пасольствы заходніх краін. Інфармацыю пра напад пацвердзіў прадстаўнік афганскай паліцыі. Ракеты былі выпушчаныя з мабільных ракетных установак, размешчаных за межамі Кабула. Паводле інфармацыі афганскіх уладаў, усе забітыя былі мірнымі жыхарамі. Колькасць ахвяраў можа павялічыцца, паколькі целы людзей могуць быць пад руінамі разбураных будынкаў.

Пакуль ні адна з арганізацый не ўзяла на сябе адказнасць за напад. Напады асудзіў галоўны ўпаўнаважаны па перамовах афганскага ўраду, старшыня Вышэйшай нацыянальнай рады прымірэння, які ў сваім твітэры заявіў, што «баязліўцы, якія стаяць за атакамі, павінны неадкладна спыніць нападзенні і тэрарызм мірных жыхароў».

Раней у суботу міністр унутраных спраў Афганістана паведаміў, што раніцай адбыліся два невялікія выбухі. Узарваліся паліцэйскія машыны, пад якія была падкладзена выбухоўка. Адзін паліцэйскі загінуў, яшчэ трое атрымалі раненні.

У каментары AFP адзначаецца, што напады ў Кабуле адбыліся непасрэдна перад сустрэчай кіраўніка амерыканскай дыпламатыі Майка Пампеа з прадстаўнікамі талібаў і афганскага ўраду ў Досе. Дзяржсакратар прыехаў у Катар, каб сустрэцца з кожнай з гэтых дэлегацый асобна, піша AFP.

PAP/нг