Нямецкія дайверы, якія шукаюць у Балтыйскім моры рыбалоўныя сеткі, якія могуць прадстаўляць пагрозу для марскога жыцця, падабралі машыну шыфравання Enigma. На іх думку, машына была выкінутая за борт з патанулай падводнай лодкі, паведамляе Reuters.
Нямецкая армія выкарыстоўвала Энігму для адпраўкі і атрымання сакрэтных паведамленняў падчас Другой сусветнай вайны, але польскія і брытанскія крыптаграфісты расшыфравалі гэты код, дапамагаючы саюзнікам атрымаць перавагу.
«Мы думалі, што гэта машынка, заблытаная ў рыбалоўных сетках на марскім дне», – сказаў вадалаз Фларыян Хубер. – Аднак, я хутка зразумеў важнасць знаходкі. За апошнія 20 гадоў я зрабіў шмат захапляльных і дзіўных адкрыццяў. Але я і не марыў, што аднойчы мы знойдзем адну з легендарных машын Энігмы, – дадаў ён.
Узор, знойдзены вадалазамі, будзе перададзены музею ў Шлезвігу.
ав