У пятніцу з Гандураса ў Гватэмалу выехала каля 1000 чалавек. Улады аховы межаў ЗША мяркуюць, што ў агульнай складанасці зараз каля 5 тысяч чалавек могуць накіроўвацца ў бок ЗША. Са зменамі ў Белым доме чыноўнікі асцерагаюцца новай хвалі імігрантаў. Частка каравана ўжо дабралася да Мексікі. У асноўным гэта грамадзяне Гандураса. Невядома, як далёка яны дабяруцца, улады Гватэмалы і Мексікі абвясцілі, што вернуць мігрантаў у Гандурас.
Гэта рэакцыя на заявы Джо Байдэна падчас прэзідэнцкай кампаніі. Тады абраны прэзідэнт паабяцаў змякчыць міграцыйную палітыку, узмоцненую адміністрацыяй Дональда Трампа. Сярод іншага, ён абвясціў, што зменіць правілы, паводле якіх мігранты павінны заставацца ў Мексіцы да таго часу, пакуль іміграцыйны офіс іх не праслухае. Джо Байдэн таксама паабяцаў палегчыць падачу заявы на грамадзянства ЗША. Цяпер імігранты патрабуюць рэалізацыі гэтых абяцанняў.
Члены будучай адміністрацыі Джо Байдэна заяўляюць, што адкрыць межы за адну ноч будзе немагчыма. Яны абвяшчаюць, што праца па змене правілаў пачнецца неадкладна, калі новы прэзідэнт прыме ўладу, але папярэджваюць, што гэта можа заняць некалькі месяцаў. Яны таксама звяртаюць увагу, што справу ўскладняе пандэмія каранавіруса.
ав