У раёне сталіцы Грэцыі чарговы дзень вецер разносіць самыя вялікія пажары за апошнія месяцы. У раёне пажараў загінуў пажарнік з добраахвотнай пажарнай каманды ў выніку абрынання фрагмента сцяны, а цела дырэктара гандлёва-прамысловай палаты Афін было знойдзена на адной з фабрык.
З аўторка пажар знішчыў сотні дамоў у паўночных прыгарадах Афін, тысячам людзей давялося бегчы ў бок узбярэжжа. Грэчаскім пажарнікам дапамагаюць службы з Францыі, Швейцарыі, Швецыі, Кіпра і Румыніі.
Гіганцкія пажары сталі вынікам спякоты на поўдні Еўропы. На мінулым тыдні ў мацерыковай Грэцыі тэмпература перавысіла 40 градусаў, улады Афін заклікалі жыхароў не выходзіць з дамоў.
Пажары таксама адбыліся ў суседніх краінах, у тым ліку ў Албаніі, Балгарыі і Паўночнай Македоніі. У Турцыі агонь гарыць больш за 10 дзён і прымусіў эвакуяваць турыстаў з паўднёвага ўзбярэжжа краіны. Восем чалавек загінулі, некалькі сотняў атрымалі раненні. Пажарнікі з Польшчы дапамагаюць у тушэнні пажараў.
ав