X
Паважаны карыстальнік!
25 траўня 2018 году ўвайшло ў сілу Распараджэнне Еўрапейскага парламента і Еўрапейскага савета (ЕС) 2016/6/79 за 27 красавіка 2016 (RODO). Прапануем азнаёміцца з інфармацыяй пра апрацоўку асабістых дадзеных на сайце Polskieradio.pl
1.Адміністратарам асабістых дадзеных з'яўляецца Polskie Radio S.A з сядзібай у Варшаве, Al. Niepodległości 77/85, 00-977 Warszawa
2.Па пытанню, звязаным з вашымі дадзенымі, звяртайцеся да Інспэктара аховы асабістых дадзеных па электроннай пошце iod@polskieradio.pl альбо па тэл. (0048) 22 645 34 03.
3.Асабістыя дадзеныя апрацоўваюцца ў маркетынгавых мэтах на падставе дазволу карыстальніка.
4.Асабістыя дадзеныя могуць быць даступныя толькі для выканання паслуг, указаных у палітыцы прыватнасці.
5.Асабістыя дадзеныя не будуць перададзены за межы Еўрапейскай эканамічнай прасторы або міжнародным арганізацыям.
6.Асабістыя дадзеныя будуць захоўвацца на працягу 5 гадоў пасля адключэння профіля ў адпаведнасці з законам.
7.Вы маеце права атрымаць доступ да вашых асабістых дадзеных, выпраўляць іх, выдаляць або абмяжоўваць апрацоўку.
8.Вы маеце права забараніць далейшую апрацоўку; у выпадку, калі вы раней далі згоду на апрацоўку вашых асабістых дадзеных, вы можаце яе адклікаць. Ажыццяўленне права на адмену згоды не ўплывае на апрацоўку, якая адбылася да адклікання згоды.
9.Вы маеце права падаць скаргу ў назіральны орган.
10.Polskie Radio S.A. паведамляе, што падчас апрацоўкі асабістых дадзеных аўтаматычныя рашэнні не прымаюцца, а прафіляванне не ўжываецца.
Больш падрабязная інфармацыя знаходзіцца на старонках dane osobowe, а таксама polityka prywatności.
ЗГОДЗЕН
Беларуская Служба

Прэзідэнты Польшчы, Малдовы, Румыніі ды Украіны сустрэліся ў Кішынёве

27.08.2021 17:21
Замежныя лідары завіталі ў Малдову ў звязку са святкаваннем 30-годдзя незалежнасці краіны.
Здымак мае ілюстрацыйны характарPAP/Marcin Obara

У пятніцу ў малдаўскай сталіцы прайшла сустрэча чатырох прэзідэнтаў: Анджэя Дуды з Польшчы, Маі Санду з Малдовы, Клаўса Яханіса з Румыніі ды Уладзіміра Зяленскага з Украіны. 

30 года таму Малдова абвясціла сваю незалежнасць. Святкаванне 30 гадавіны незалежнасці ў Малдове пачалося з ваеннага параду, за якім сачылі шматлікія жыхары Кішынёва. Распавядае карэспандэнт Польскага радыё Караль Дармарос.

- Святкаванне пачалося з вайсковага параду, паназіраць за святамі выйшла мноства малдаван на вуліцы сталіцы. У сваіх выступах палітыкі казалі пра тое, што Малдова змагла захаваць сваю незалежнасць.

Цяпер, як прызнаюць малдоўскія ўлады, пасля 30 гадоў незалежнасці настаў час змагацца з эканамічнымі праблемамі, палітычнай нестабільнасцю і карупцыяй.

Малдаўская лідарка Мая Санду заявіла, што будуць шырокія змены і рух у бок Еўрапейскага Саюза.

- Грамадства пасталела, мы больш не вязні карупцыі і некампетэнтнасці, наш лёс у нашых руках, мы абралі шлях на наступныя 30 гадоў, мы пачнём з аднаўлення нашай краіны і трансфармацыі яе інстытутаў.

Польскі прэзідэнт Анджэй Дуда правёў сустрэчы з малдоўскім кіраўніцтвам: прэзідэнтам ды кіраўніцай нядаўна створанага праеўрапейскага ўрада Наталляй Гаўрылітай.

Польскі прэзідэнт выказаў гатоўнасць падтрымаць рэформы ў Малдове.

- Мы хочам дапамагчы ў рэалізацыі еўрапейскім амбіцый Малдове, у першую чаргу дапамагчы малдаўскаму грамадству.

Малдаўскія ўлады казалі пра магчымасць супрацоўніцтва ў сферах падатковага адміністравання, дзяржаўных паслуг, рэгіянальнага развіцця і сельскай гаспадаркі.

- Польскі досвед вельмі важны для нас, мы хацелі б абмену практыкамі ў падатковай галіне, сельскай гаспадарцы, ды іншых важных для нас справах.

Прэзідэнты Анджэ Дуда і Мая Санду таксама выказалі зацікаўленасць далучэннем Малдовы да ініцыятывы "Трох мораў", у якасці краіны – партнёра.

Падчас візіту ў Малдове прэзідэнт Польшчы Анджэй Дуда наведаў вуліцу імя прэзідэнта Леха Качыньскага ў Кішынёве і ўсклаў вянок да мемарыяльнай дошкі ў памяць аб ахвярах авіякатастрофы ў Смаленску.

Таксама польскі кіраўнік завітаў у бібліятэку Адама Міцкевіча, а пры канцы візіту сустрэўся з палякамі, якія жывуць у Малдове, і прадстаўнікамі мясцовых інтэлектуальных і дзелавых колаў.

ПР/юл