У Луганскай вобласці Украіны загінуў французскі журналіст. Міністр замежных спраў Францыі Кэтрын Калона (Catherine Colonna), якая ўчора наведала Кіеў, заклікала як мага хутчэй расследаваць гэтае пытанне і абставіны смерці мужчыны.
Па словах відавочцаў, журналіст загінуў у выніку абстрэлу цывільнай калоны пад Севераданецкам. Ягоны калега Максім Брандштэттэр (Maxime Brandstaetter) таксама атрымаў раненне.
Як паведаміў кіраўнік Луганскай абласной адміністрацыі Сяргей Гайдай, бронеаўтамабіль, на якім ехаў Фрэдэрык Леклерк-Імхоф, выкарыстоўваўся толькі для мірных гуманітарных місій. Па словах Гайдая, расіяне наўмысна стралялі па бронемашыне, ведаючы, што ў ёй ехалі мірныя жыхары.
– Учора французскія журналісты прасілі магчымасць зняць усю гуманітарную працэдуру, пагрузіць яе ў вагон, перанесці дапамогу, выгрузіць гуманітарную дапамогу на месцы, а таксама пра тое, як людзі прабіраюцца і як іх вывозяць з зоны баявых дзеянняў.
Расіяне абстралялі калону. Кулі трапілі ў машыну, нават браніраваныя вокны разбіліся. Журналіст, які знаходзіўся ў машыне, у шлеме і бронекамізэльцы, загінуў. Асколак трапіў яму ў шыю.
Пракуратура Францыі вядзе яшчэ пяць расследаванняў ваенных злачынстваў, учыненых супраць французскіх грамадзян падчас расійскай агрэсіі супраць Украіны.
IAR / вх