Дагэтуль брытанцы паставілі ва Украіну тры такія пускавыя ўстаноўкі з ракетамі з далёкасцю да 80 кіламетраў — такой жа, як у амерыканскіх сістэм HIMARS. Бэн Уолес пацвердзіў, што Лондан адправіць ва Украіну яшчэ тры ракетныя ўстаноўкі і значную колькасць ракет.
У Капенгагене брытанскі міністр удзельнічаў у міжнароднай канферэнцыі з саюзнікамі, якія заявілі аб далейшай ваеннай і фінансавай падтрымцы Украіны.
«Вялікабрытанія і міжнародная супольнасць па-ранейшаму выступаюць супраць гэтай незаконнай вайны і будуць падтрымліваць Украіну ў абароне ад уварвання Пуціна», — сказаў брытанскі міністр.
Паводле яго слоў, раней адпраўленыя пускавыя ўстаноўкі РСЗА М270 ужо дапамагаюць Украіне ў атаках на расійскія склады боепрыпасаў і камандныя цэнтры.
юл