Каралева Лізавета ІІ служыла каралеўству і была ўзорным манархам, лічыць міністр замежных спраў Польшчы Збігнеў Рау. Кіраўнік польскага МЗС падкрэсліў, што памерлая брытанская каралева была незвычайнай асобай. Лізавета ІІ была перакананая, што можа служыць агульнаму дабру, кажа Збігнеў Рау(Zbigniew Rau):
- Інтарэсу сваіх грамадзян незалежна ад акалічнасцяў. Менавіта такім чынам яна запомніцца не толькі брытанцамі, але таксама ўсімі іншымі, у якіх была нагода пазнаёміцца з ейным жыццём і працай.
Каралева Лізавета ІІ памерла ў сваім замку Балморал у Шатландыі на 97-ым годзе жыцця. Яна кіравала манархіяй больш за 70 гадоў. Новым каралём Вялікабрытаніі адразу стаў прынц Чарлз. Фармальна абвешчаны каралём ён будзе, хутчэй за ўсё, заўтра.
Верагодна, пахаванне Лізаветы ІІ адбудзецца ў панядзелак, 19 верасня.
IAR/аз