Папа Францішак сустрэўся ў сядзібе прэм’ер-міністра Венгрыі з прадстаўнікамі мясцовых уладаў, дыпламатычнага корпуса і грамадскіх арганізацый. У сваёй прамове Папа толькі коратка закрануў вайну ва Украіне – ён шырока распавёў пра сваё бачанне Еўропы і пра дапамогу бежанцам.
Улады Венгрыі і Ватыкана ў пытанні вайны ва Украіне ў Еўропе гавораць у адзін голас – спыненне агню і мір павінны быць прыведзены як мага хутчэй.
«Мы, маці, хочам перш за ўсё міру, а не вайны», – сказала прэзідэнт Венгрыі Каталін Новак пра сябе і сваю краіну.
«На гэтым этапе гісторыі шмат небяспек, але я задаюся пытаннем, думаючы сярод іншага пра змучаную Украіну, дзе творчыя намаганні для міру?» – сказаў папа Францішак.
Аднак Францішак хацеў бы, каб усе еўрапейскія краіны разам вырашалі праблему мігрантаў, якія прыбываюць у Еўропу. «Для хрысціян стаўленне не можа адрознівацца ад таго, якому вучыў святы Стэфан, навучыўшыся гэтаму ў Езуса, які атаясамліваў сябе з незнаёмцам, якога трэба вітаць», – сказаў папа Францішак.
ав