Эстонія гатовая страціць субсідыі з Еўрапейскага Саюза ў выпадку ўступлення ў ЕС Украіны, заявіла прэм'ер-міністр краіны Кая Калас. Пра гэта піша Financial Times.
Паводле слоў Калас, афіцыйны Талін гатовы ў доўгатэрміновай перспектыве страціць доступ да фондаў абʼяднання, мэта якіх – дапамога эканомікам менш заможных краін ЕС. У той жа час яна выказала меркаванне, што гэта адбудзецца не адразу.
Аналіз ЕС паказаў, што з улікам цяперашняй бюджэтнай структуры Украіна атрымае права на амаль 186 млрд еўра датацый на працягу сямі гадоў, што ператворыць шэсць краін, у тым ліку Эстонію, з нета-атрымальнікаў сродкаў ЕС у нета-плацельшчыкаў у бюджэт.
Кая Калас заклікала іншыя краіны Еўрасаюза пачаць працу над бюджэтнымі рэформамі, якія даюць магчымасць ЕС прымаць новых членаў.
вс