Амерыканская вайсковая падтрымка Ізраілю не будзе адбывацца за кошт дапамогі Украіне. У гэтым запэўніла амбасадар ЗША ў НАТА Джуліян Сміт.
Мы не чакаем ніякіх збояў у гэтым пытанні, падкрэсліла пасол:
- Злучаныя Штаты здаўна падтрымліваюць бяспеку Ізраіля. Я мяркую, што ЗША змогуць працягваць засяроджвацца на сваім партнёрстве з Ізраілем, адначасова выконваючы свае абавязацельствы працягваць падтрымліваць Украіну, якая абараняе сваю тэрыторыю і ўсе каштоўнасці, якія важныя для НАТА ў цэлым.
Узбраенне Украіны – адна з тэм двухдзённай сустрэчы міністраў абароны краін Паўночнаатлантычнага альянсу, якая пачалася сёння ў Бруселі.
яс