Канцлер Германіі Олаф Шольц сказаў, што яго краіна працягне падтрымку Украіны, нягледзячы на канфлікт у Ізраілі. Кіраўнік нямецкага ўраду запэўніў аб дапамозе падчас нямецка-ўкраінскага бізнес-форуму ў Берліне, у якім прыняў удзел прэм'ер-міністр Украіны Дзяніс Шмыгаль. У ім таксама дыстанцыйна ўдзельнічаў прэзідэнт Уладзімір Зяленскі. Цяпер Германія зʼяўляецца другім пасля ЗША пастаўшчыком ваеннай дапамогі Украіне.
Олаф Шольц таксама паведаміў, што зараз рыхтуецца зімовы пакет ваеннай дапамогі Украіне на суму ў 1 млрд 400 млн еўра. Як мяркуецца, у яго, сярод іншага, увойдуць сістэмы СПА Patriot, Iris-T6, ЗСУ Gepard і іншая зброя ды тэхніка.
Пасля нападу палестынскай тэрарыстычнай арганізацыі ХАМАС на Ізраіль Олаф Шольц стаў першым кіраўніком замежнага ўраду, які вылецеў у Тэль-Авіў.
вс