Украінцы працягваюць высаджваць свае сілы на левым беразе Дняпра ў Херсонскай вобласці. Па некаторых звестках, яны перакінулі туды некалькі сотняў чалавек і вайсковую тэхніку. Тэму працягвае карэспандэнт Польскага радыё Павел Бушка:
- Афіцыйна ўкраінскі Генштаб не паведамляе аб перакідцы сваіх сіл праз Днепр. Аднак, паводле аналітыкаў і паведамленняў СМІ, вядома, што некалькі тыдняў таму ўкраінцы захапілі плацдарм у акупаванай расіянамі левабярэжнай Херсонскай вобласці ў раёне разбуранага Антонаўскага моста пад Херсонам. Паводле апошніх звестак сайта DeepState, украінскія вайскоўцы пашырылі на некалькі кіламетраў паласу пад сваім кантролем уздоўж левага берага Дняпра. Паводле аналітыкаў амерыканскага Інстытута даследаванняў вайны, украінцы праводзяць аперацыі таксама каля вёскі Крынкі – прыкладна ў 30 кіламетрах на паўночны ўсход ад Антонаўскага моста. Гэта, паводле амерыканцаў, пацвярджаюць таксама расійскія крыніцы. Як чытаем у справаздачы інстытута, украінцы перакінулі на акупаваны левы бераг Дняпра свае сілы, верагодна, памераў батальёна, але таксама невялікую колькасць бронетранспарцёраў.
IAR/аз