У 2023 годзе Украіна выпусціла ў тры разы больш зброі, чым годам раней, паведаміў у сацсетках прэзідэнт краіны. У прыватнасці, павялічыўся выпуск артылерыйскіх боепрыпасаў.
Уладзімір Зяленскі дадаў, што ва Украіне ў абароннай прамысловасці працуе каля 300 тысяч чалавек. Расце і доля прыватных прадпрыемстваў, якія вырабляюць зброю – чатыры з пяці з’яўляюцца недзяржаўнымі:
- Мы павінны зрабіць нашу дзяржаву настолькі моцнай і эфектыўнай, каб Расія адчувала, што любая атака сустрэнецца з нашым адказам. Зрабіць гэта можна толькі на базе дастатковай вытворчасці айчыннай зброі. Толькі за гэты год нам ужо ўдалося выпусціць узбраення і тэхнікі ў тры разы больш, чым летась. Значна павялічылася вытворчасць боепрыпасаў, асабліва для артылерыі. Украіна таксама запускае надзвычай важную вытворчасць боепрыпасаў для айчынных беспілотнікаў.
26 снежня Уладзімір Зяленскі арганізаваў паседжанне штабу галоўнакамандуючага, на якім абмяркоўвалася нарошчванне айчыннай абароннай вытворчасці.
IAR/аз