«У нас ёсць пагадненне. (...) Усе 27 лідараў пагадзіліся на дадатковы пакет падтрымкі ў памеры 50 мільярдаў еўра для Украіны ў рамках бюджэту ЕС. Гэта забяспечвае пастаяннае, доўгатэрміновае і прадказальнае фінансаванне для Украіны. ЕС бярэ на сябе лідарства і адказнасць за падтрымку Украіны. Мы ведаем, што пастаўлена на карту», – напісаў Мішэль.
Праект перагляду бюджэту ЕС на 2021-2027 гады, звязаны з прапановай павялічыць таксамавыдаткі на міграцыю і кіраванне межамі на 2 мільярды еўра, на палітыку добрасуседства – на 7,6 мільярда еўра і на Еўрапейскі фонд абароны – на 1,5 мільярда еўра.
У снежні, нягледзячы на адкрыццё перамоваў аб далучэнні Украіны да ЕС, прэм'ер-міністр Венгрыі Віктар Орбан наклаў вета на пералічэнне ЕЗ Украіне 50 мільярдаў еўра дапамогі, а таксама на перагляд бюджэту ЕС на 2021-2027 гады. Таму старшыня Еўрапейскай рады вырашыў склікаць 1 лютага ў Бруселі спецыяльны саміт ЕС, спадзеючыся дамовіцца з Орбанам.
У той жа час ЕС працаваў над альтэрнатыўным рашэннем, пры якім 26 краін дамаўляюцца аб дапамозе Украіне без удзелу Венгрыі.
PAP/вх