Сенат ЗША агучыў тэкст звышпартыйнага законапраекта аб узмацненні памежнага кантролю, дапамозе Украіне і Ізраілю. Усяго на гэтыя мэты плануецца прызначыць 118 мільярдаў долараў. Першае галасаванне па справе законапраекта павінна адбыцца не пазней за аўторак.
Згодна з ранейшымі дамоўленасцямі, дасягнутымі паміж часткай рэспубліканцаў і дэмакратаў, на ўзмацненне памежнай аховы і кантролю на мяжы плануецца прызначыць больш за 20 мільярдаў долараў. Украіна атрымае дапамогу ў памеры 60 мільярдаў долараў, а больш за 14 мільярдаў долараў будзе накіравана на падтрымку Ізраілю.
Дадатковыя сродкі – амаль 2,5 мільярда долараў – павінны паступіць у Цэнтральнае камандаванне ўзброеных сіл ЗША ў сувязі з аховай караблёў у Чырвоным моры.
Сенат хоча вылучыць амаль 5 мільярдаў долараў на падтрымку партнёраў ЗША на Далёкім Усходзе, а 10 мільярдаў долараў – гэта гуманітарная дапамога жыхарам Сектара Газа, Заходняга берага і Украіны.
Прэзідэнт Джо Байдэн ужо заявіў, што рашуча падтрымлівае законапраект і заклікаў Кангрэс прыняць яго хутка.
Аднак, палітолагі адзначаюць, што лёс законапраекта нявызначаны, таму што крайнія рэспубліканцы і частка дэмакратаў па-ранейшаму выступаюць супраць яго.
IAR/аз