У панядзелак, 4 сакавіка, прэм'ер-міністр Польшчы Дональд Туск здзейсніў працоўны візіт у Вільню. На сумеснай прэс-канферэнцыі з прэмʼер-міністрам Літвы Інгрыдай Шыманітэ кіраўнік польскага ўраду заявіў, што польска-літоўскае супрацоўніцтва, партнёрства і сяброўства зʼяўляецца палітычным і геапалітычным прыярытэтам Варшавы, асабліва на фоне расійскай агрэсіі супраць Украіны.
Дональд Туск таксама падкрэсліў, што Вільня не выпадкова зʼяўляецца адной з першых сталіц, якую ён наведвае ў якасці прэмʼера Польшчы, бо літоўцы, паводле яго слоў, традыцыйна зʼяўляюцца «нашымі сябрамі і бліжэйшымі партнёрамі ў ЕС».
Польскі прэмʼер таксама правёў сустрэчу з прэзідэнтам Літвы Гітанасам Наўседам і сустрэўся ў польскай дыяспарай у гэтай краіне.
вс