Амбасада Украіны ў Ватыкане рэзка адрэагавала на прапанову Папы Рымскага падняць белы сцяг і пачаць перамовы з Расіяй. Папа даў вялікае інтэрв’ю швейцарскаму тэлебачанню, фрагменты якога сталі даступнымі ўчора.
Францішак сказаў, што Украіна павінна мець мужнасць падняць белы сцяг і ўступіць у перамовы, улічваючы колькасць ахвяраў гэтай вайны. Ён дадаў, што нельга даводзіць краіну да самагубства.
У ноце амбасады Украіны адзначана, што калі сёння казаць пра Трэцюю сусветную вайну, то трэба зрабіць урокі з Другой сусветнай вайны. Ці хто-небудзь сур'ёзна ставіўся да мірных перамоваў з Гітлерам і прапанаваў падняць белы сцяг, каб дагадзіць яму? Калі мы хочам скончыць гэтую вайну, мы павінны зрабіць усё, каб забіць таго, хто яе пачаў, - заявілі ў дыппрадстаўніцтве.
Арцыбіскуп Святаслаў Шаўчук, кіраўнік Украінскай Грэка-Каталіцкай Царквы, адзначыў, што Украіна параненая, але не пераможаная і не здасца. Арцыбіскуп запрасіў усіх скептыкаў ва Украіну.
Пазней у Ватыкане патлумачылі, што папа меў на ўвазе не капітуляцыю Украіны. Вобраз «белага сцяга» падчас гутаркі з пантыфікам выкарыстаў журналіст, і Папа Рымскі ў адказ ужыў прапанаваную фразу, каб ёю пазначыць перамір'е, якога можна дамагчыся «дзякуючы адвазе перамоваў», сказаў дырэктар прэс-службы Ватыкана.
Пётр Ковальчук/нг