Патэнцыйны кандыдат у прэзідэнты ЗША Дональд Трамп заклікае пазычаць Украіне фінансавыя сродкі, а не проста даваць грошы дзяржаве, якая змагаецца з расійскай агрэсіяй. Пра гэта палітык казаў на мітынгу ў Дэйтане, штат Агаё.
Дональд Трамп заявіў, што Уладзімір Зяленскі ўмее весці бізнес лепш, чым ён.
- Давайце пазычым ім гэтыя грошы, а не будзем даваць чэк на 60 мільярдаў. Я вам кажу – Зяленскі – адзін з лепшых гандляроў у гісторыі. Кожны раз, калі ён прыязджае ў ЗША, ён з'язджае з чэкам на 50-60 мільярдаў долараў. У мяне такое ніколі не атрымалася, ён – лепшы гандляр, чым я сам.
Дональд Трамп – амаль 100-працэнтны кандыдат ад рэспубліканцаў на сёлетніх прэзідэнцкіх выбарах. Галасаванне адбудзецца 5 лістапада.
IAR/нг