У 20.30 па польскім часе (22.30 па-беларуску) пачнецца экалагічная акцыя «Гадзіна Зямлі». У гарадах па ўсім свеце на гадзіну адключаць асвятленне самых вядомых будынкаў, а людзі выключаць святло і электронныя прылады ў сваіх дамах.
Гэты сімвалічны жэст закліканы прадэманстраваць занепакоенасць станам планеты і прыроды.
Сёлета ў Польшчы Гадзіна Зямлі прысвечана рэкам. Экалагічная арганізацыя WWF Польшча папярэджвае, што амаль 99% польскіх рэк знаходзяцца ў дрэнным стане з пункту гледжання чысціні.
Гадзіна Зямлі ўпершыню была арганізаваная ў Сіднэі ў 2007 годзе. У ёй тады ўдзельнічала больш за два мільёны дзвесце тысяч чалавек. У чарговых мерапрыемствах ужо ўдзельнічала 370 гарадоў з 35 краінаў, у тым ліку Варшава і Познань. З кожным годам кампанія расла, да яе далучалася ўсё больш краін і інстытутаў.
Польшча далучыцца да кампаніі ў сямнаццаты раз. У Варшаве выключаць падсветку Палаца культуры і навукі, абарончых муроў Старога гораду і музею POLIN.
IAR/нг