У выніку нападаў пацярпелі мірныя жыхары — 11 чалавек атрымалі раненні, паведамілі ў Сілах абароны ў гэтым рэгіёне.
«Праціўнік атакаваў некалькімі хвалямі беспілотнікаў Shahed 131/136 з басейна Чорнага мора. Чатыры беспілотнікі збітыя ў Адэскай і Мікалаеўскай абласцях», – гаворыцца ў паведамленні.
Перад атакай беспілотнікаў расіяне запусцілі з Чорнага мора ракету Х-31П, якая павінна была парушыць супрацьпаветраную абарону ў Адэскай вобласці. «Ракета страціла баяздольнасць у паветры», – заявілі прадстаўнікі Узброеных сілаў поўдня Украіны.
Пасля удараў беспілотнікамі ў Мікалаеўскай вобласці адбыўся пажар на энергаабʼекце. У самім Мікалаеве аскепкі збітага БПЛА разбурылі двухпавярховы жылы дом, а ўдарная хваля пашкодзіла некалькі суседніх дамоў. Паводле папярэдніх звестак, пацярпелі 11 чалавек, двое дастаўлены ў бальніцу.
У Адэскай вобласці аскепкі збітага беспілотніка пашкодзілі электрастанцыю і выклікалі пажар, які абясточыў частку Одесы і бліжэйшых гарадоў. «Пажар ліквідаваны. Людзі не пацярпелі», – гаворыцца ў паведамленні.
Сёння – 761-ы дзень вайны Расіі супраць Украіны.
PAP/вх