Былы канцлер Германіі сказаў аб гэтым у інтэрвʼю агенцтву DPA.
Неабходныя перамовы на ўрадавым узроўні – кажа палітык Сацыял-дэмакратычнай партыі Германіі і зазначае, што ініцыятыва належыць Германіі і Францыі.
Канцлер Германіі не хаваў сяброўства з расійскім лідарам у 1998-2005 гг, гаворыць пра гэта і цяпер. Шродэр нават адзначае, што іх добрыя стасункі – адзіны шлях да поспеху мірных перамоваў. «І няма іншага спосабу вырашыць гэты канфлікт, акрамя перамоваў», заявіў былы канцлер Германіі, якому 7 красавіка споўніцца 80 гадоў.
Палітык называе глупствам чаканні магчымай атакі Расіі на краіну НАТА або выкарыстанне пуцінскай арміяй атамнай бомбы.
«Акрамя падтрымкі Украіны, патрэбны дыялог, які дасць надзею грамадзянам» – так лічыць былы канцлер Нямеччыны, якая пасля агрэсіі Пуціна супраць Украіны спрабаваў размаўляць з ім і апраўдваў расійскага агрэсара.
Некаторыя актывісты СДПГ хацелі выключыць Герхарда Шродэра з партыі, аднак унутрыпартыйныя працэдуры не далі станоўчага выніку.
яс/карэспандэнт Польскага радыё ў Берліне Адам Бурчэўскі