Міністэрства замежных спраў Літвы выклікала прадстаўніка беларускага пасольства і ўручыла ноту пратэсту. Гэта датычыцца слоў прэзідэнта Аляксандра Лукашэнкі аб гіпатэтычным захопе Сувалкскага перашыйка.
Некалькі дзён таму ў інтэрнэце была апублікаваная размова Лукашэнкі з адным з камандзіраў пра Сувалкскі перашыек.
«Цяпер вам давядзецца сутыкнуцца з прыбалтыйскімі рэспублікамі і часткай Польшчы», — сказаў Лукашэнка, пацікавіўшыся пры гэтым, ці змогуць вайскоўцы ўтрымаць гэтую тэрыторыю.
Міністэрства замежных спраў Літвы адзначае, што падобныя заявы могуць успрымацца як далейшая эскалацыя агрэсіўнай знешняй палітыкі Мінска і з'яўляюцца абсалютна непрымальнымі.
Міністэрства запатрабавала неадкладных афіцыйных тлумачэнняў адносна слоў Лукашэнкі.
У распаўсюджанай заяве МЗС нагадаў, што «Літоўская Рэспубліка будзе прымаць усе магчымыя меры для забеспячэння сваёй бяспекі, суверэнітэту і тэрытарыяльнай цэласнасці».
На пачатку тыдня Аляксандр Лукашэнка праінспектаваў танкавы батальён на беларуска-літоўскай мяжы.
яс/IAR/Каміль Залеўскі