Суд у Швецыі выдаў пастанову аб часовым арышце 17-гадовага хлопца, датычнага да забойства паляка, якое здарылася на мінулым тыдні. Пракуратура абвінавачвае яго ва ўтойванні злачынцы.
Гэта ўжо другі чалавек, затрыманы па гэтай справе. 18-гадовы хлопец ужо знаходзіцца пад вартай і таксама падазраецца ва ўтойванні злачынца. Абодва затрыманыя сваёй віны не прызналі.
На мінулым тыдні 39-гадовы паляк быў смяротна паранены, калі разам з сынам-падлеткам ехаў на ровары ў басейн. Маладыя людзі напалі на іх у падземным пераходзе, а калі паляк адрэагаваў, застрэлілі яго.
Забойства паляка ў Стакгольме стала трэцяй стралянінай у раёне Скергольмэн за месяц — у тым ліку другой са смяротным вынікам.
Летась у Швецыі было зафіксавана 363 стральбы, у выніку якіх загінулі 53 чалавекі.
яс/IAR