Ноччу і раніцай расіяне ўдарылі па Дняпру. Улады паведамляюць, што на горад і ваколіцы было скіравана 11 ракет.
Жыхары Дняпра апублікавалі запісы, на якіх бачна разбурэнне некалькіх паверхаў будынка на цэнтральнай плошчы, недалёка ад чыгуначнага вакзала.
Шэсць дарослых і двое дзяцей загінулі ў выніку расійскай атакі на Днепр і вобласць.
Гэта чарговы ракетны абстрэл украінскіх гарадоў на гэтым тыдні. У сераду расійскія ракеты «Іскандэр» забілі 18 мірных жыхароў Чарнігава. Украінскія ўлады звяртаюцца да Захаду па дадатковыя сістэмы СПА і боепрыпасы, паведамляецца пра крытычную сітуацыю з забеспячэннем боепрыпасамі ўкраінскага войска.
Паводле IAR/вх